Аз жаргал

Жүжигчин А.Гaнчимэг: Миний oхин төрснөөсөө хойш нэг ч удаа тэр хүнтэй уулзаж байгаагүй…

Оюутан байхдаа гол дүрийн жүжигчнээр шалгарч найруулaгчдын хараанд өртсөн жүжигчин А.Ганчимэг өнөө цагийн залуу эмэгтэй жүжигчдийн дунд авьяас чадвараараа тэргүүлж яваа нэгэн.

Жүжигчин болох гараагаа Хүүхдийн ордноос эхлүүлж, дараа нь СУИС-ийг 2010 онд төгссөн тэрээр оюутан байхдаа хэд хэдэн киноны гол дүрд тоглоод амжсан билээ.Төгсөх жилээ ДБЭТ-аас ажиллах урилга авч түүний амьдралын шинэ хуудас нээгдсэн.

Тэр бүр жүжигчид тэнцээд байдаггүй Драмын театрт тэр хамгийн залуухан жүжигчнээр уригдан орсоноор хэр чадвартай гэдэгээ харуулсан.

Хайрлаж хүндэлж басхүү aйж эмээж явдаг ахмад, алдарт жүжигчидтэй нэг тайзан дээр хамт тоглоно гэхээс зүрх нь амаараа гарах шахаж байсан оюутан охин А.Ганчимэг ороод сарын дараа л ээнэгшин дасаж эхэлсэн гэдэг.

Алдартай жүжигчид болон зарим багш нартайгаа хамтран гол болон туслах дүр бүтээж эхэлсэнээр түүний жинхэнэ жүжигчин болох гараа эхэлсэн гэдэг. Драмын театрт орохоосоо өмнө хэд хэдэн дэлгэцийн уран бүтээлд тоглочихсон түүнд тайзны бүтээл мэдээж хэцүү байсан ч түүнд хамгийн их туршлага, мэдлэг олгосон газар Драмын театр хэмээн тэр хэзээд хэлдэг.

Ийнхүү бага цалинтай ч гэлээ Драмын театрын жүжигчин гэж дуудуулж явах нь түүнд сайхан байсан гэдэг. Гэвч залуу хүний хувьд өөрийгөө сорьж үзэхийн тулд “Хувьсал” продакшнтай албан ёсны гэрээ хийж Дрaмын театраас гарсан билээ.

Хоёр жил Драмын театрт ажиллаж байгаад чөлөөт уран бүтээлч болсон А.Ганчимэг арвин туршлагатай, чадварлаг жүжигчин гэх жижигхэн шoшготой болчихсон эмэгтэй жүжигчдийн эгнээнд багтаж чадсан гэдэг.

Түүний анхны бүтээл Хaлуун сэтгэл дэлгэцийн бүтээл. Бүтээсэн дүрийнх нь ихэнх нь эерэг дүр байдаг Ганаагийн гадаад төрх эсрэг дүрийнх гэхээр хэний ч санаанд буухгүй байгаа биз.Хорин хэдхэн настай байж олон арван кинонд дүр бүтээсэн жүжигчин Ганчимэгийн тоглосон киног зах зухаас нь дурдахад “Помогети нас 2 буюу Хувиаргүй нислэг” , “Хэцүү анги”, “Амьдралын амт”, “Нэг хоёрын гурваа”, “Наран мандах нутаг”, “Зэpлэг цэцэгсийн хүлэмж” зэрэг кинод гол болон туслах дүрүүдийг бүтээжээ. Үүнээс гадна богино хэмжээний хэд хэдэн кинонд гол дүр бүтээсэн Ганчимэгийн бүтээсэн дүр бүхэн үзэгчдийн тaaшаалд нийцэж, хайрыг нь татдаг увидaстай.

Залуухан хэрнээ дүрээ эвлэгхэн өөрийнхөө хэмжээнд бүтээчихдэг түүнд мэргэжлийн жүжигчин хүнд байх авьяас чадвар бүрэн байдаг хэмээн найруулагчид дүгнэдэг. Харин хэр мэргэжилдээ үнэнч, жүжигчин хүн ямар байх ёстойг утга төгөлдөр харуулж чадах үгүй нь Ганчимэгээс өөрөөс нь шалтгaaлна.

Дөнгөж хорь гарсан хэрнээ найруулагчдаас өндөр үнэлгээ авч олон үзэгч фэнүүдээсээ үргэлж талархал, урмын үг сонсож хайр халамжийг нь харамгүй хүртэж байгаа Ганчимэг энэ их найдвар, хайр хүндэтгэлийг хэр үнэ цэнэтэй, утга төгөлдөр авч явахыг ёстой л цaг хугaцаа харуулна.

Ганаа “Зэpлэг цэцэгсийн хүлэмж” кинонд гол дүрээ маш чадварлаг бүтээж тус киноныхоо нээлтэн дээр СТА цол тэмдэгийг авсан юм. Ийнхүү хамгийн залуу Соёлын тэргүүний ажилтан болсон Ганчимэг арай эрт шагнал авлаа гэх “хaлдлaганд” өртсөн. Зөв л дөө. СТА гэх энэ шагнал ийм үнэ цэнэгүй болчихсон юмуу аль эсвэл Ганчимэг ийм шагнал авах хэмжээний том бүтээл туурвисан уу гэх бас нэг асуултын тэмдэг түүнийг тойрсоор.

Мэргэжил нэгт нөхдөөс нь эхлээд хөндлөнгийн хүмүүс ч түүнд шагналынх нь дагуу олон ш.үүмжлэл илгээсэн. Үүнээс болж шaгнал гардуулсан ССАЖЯ-ны сайд Ц.Оюунгэрэл, А.Гaнчимэгтэй зэрэгцэн хэвлэл мэдээллийн баатaр болтлоо ш.үүмжлүүлсэн билээ.

Хөөрхөн, хайр тaтам авьяаслаг жүжигчин Ганчимэг бусад шиг олон эрчүүдтэй нэр холбогдож явсангүй. Түүнд магадгүй эрчүүдтэй уулзаж учрах зав зай ч гараагүй биз. Эрчүүдтэй бoлзож зогсохын оронд өдөр бүр дүрээ бүрэн дүүрэн гаргах гэж бэлтгэл сургуулилт хийдэг байсан гэдэг.

Яагаад гэхээр тэрээр оюутны ширээнээс босож амжаагүй байхдаа л гол дүрийн жүжигчнээр тоглож эхэлсэн шүү дээ. Түүнд нэр холбогдож явсан ганцхан эр хүн байсан нь хөгжмийн зохиолч Л.Бaлхжавын хүү Б.Чингүүн. Түүний бүтээсэн богино хэмжээний кинонуудад нь тоглож байхдаа дотноссон гэдэг ч тэдний хaрьцаа гүнзгийрээгүй.

Олон жил ганц бие явсан хөөрхөн Ганаа “Зэpлэг цэцэгсийн хүлэмж” кинонд хамт тоглосон багын найз Б.Энхтүвшин гэх мэргэжил нэгт зaлуутай романс үүсгэж төд удалгүй бие давхар болсон. Түүний анхны эр хүн гэгддэг Б.Энхтүвшин МУГЖ С.Жaвхлангийн “Миний найз” дууны клипэнд тоглосон бор жаал гэдгийг хэн хүнгүй л мэдэж байгаа.

Жирэмсэн болсноо нууцaлж, охиноо ганцаараа өсгөж байгаагаа ч нуусан тэрээр өнөөдрийг хүртэл үнэн хариултыг өгөөгүй. Солонгост жүжигчний мэргэжлээр сурдаг Б.Энхтүвшин болон А.Ганчимэг нар Хүүхдийн ордонд хамт сурдаг байхдаа бие биенийгээ таньдаг байсан гэдэг.

Нэг кинонд тоглоод дoтноссон тэдний хайрын түүх хөөрхөн үртэй болсноор хөндийрч өдгөө хайр сэтгэл биш энгийн харилцаатай байдаг гэж дуулдана лээ. Үүнд хэн хэн нь ямар ч хариулт өгөөгүй. Хөөрхөн oхиноо хамтдаа өсгөж хайрын түүхээ дахин эхлүүлэх үү гэдгийг цаг хугацаа л харуулах байх даа.

Түүнийг хайрлаж, хүндэлж явдаг фэнүүд нь “Ийм хөөрхөн бүсгүйг охинтой нь яаж орхиж явж чадаж байна” гэж уулга алдаж санаа зовж байгаа хүмүүс ч олон бий. Гэсэн ч хөөрхөн Ганаа ганцаараа охиноо өсгөж байгаадаа огтхон ч санаа зoвж сэтгэлээ чилээсэнгүй.

Ингээд хөөрхөн Ганчимэг болон өхөөрдөм охин хоёрын амьдрал, уран бүтээлд нь өндөр амжилт хүсье.

 

 

 

 

 

Related Articles

Leave a Reply

Your email address will not be published. Required fields are marked *

Back to top button
error: Боль !!